見步行步

一直對無線的劇集沒太多興趣，但最近卻集集追（忽然覺得tvb.com好偉大），我肯定這不是因為劇本好劇情緊奏，只係好多位都同現實「咁arm得咁橋」，搞到好有共鳴。

人生的低谷，如何走出？我未掌握到，不過主角的「見步行步」法，我贊成是暫時最好的見步行步，即使他被罵無目標無方向遇到挫折就逃避走左去。大佬，低谷呀，仲叫人去諗幾時可以登陸火星咩？

陸游說：「山重水複疑無路，柳暗花明又一村。」我想他是一個現實的人，知道路是一步一步走出來的，配愚譯文為：「總之你行啦！」原來耶穌都講過類似的話：「一天的難處，一天當就夠了。」配愚釋經為：「有日過日啦！」

究竟要行幾遠，要過幾多日呢？對唔住，無講，總之個天會睇住你。